މުޅި ދުނިޔޭގައި ހަލުވި ކަމާއި އެކީ ފެތުރެމުން އަންނަ ކޮވިޑް-19ގެ އަލާމާތްތައް އިންސާނާގެ ހަށިގަނޑުން ފެންނަން ފެށުމުގެ ކުރިން، ބަލި ޖެހިފައިވާކަން ވަރަށް އަވަހަށް ދެނެގަންނާނެ ކިޓެއް އިނގިރޭސިވިލާތުގެ ސައިންސްވެރިން އުފައްދައިފިއެވެ.
މިއީ ކޮވިޑް-19 ހަލުވި ކަމާއެކު ފެތުރެމުންދާ ދަނޑިވަޅުގައި ބޭނުންތެރި އެއްޗެކެވެ. ސަބަބަކީ ކޮވިޑް-19 ގެ އަލާމާތްތައް ފެނުމަށް ދުވަސްތަކެއް ނަގާކަމުގައިވުމެވެ. އަދި މި ދުވަސްތަކުގައި ވެސް ބަލި ފެތުރިގެން ދާ ކަން ދިރާސާތަކުންވަނީ ދައްކާފައެވެ.މި ކިޓް އަށް ދީފައިވާ ނަމަކީ ”ބެލްޓް އެންޑް ބްރޭސެސް“ އެވެ.
އެގައުމުގެ މީޑިއާތަކުން ބުނެފައިވާ ގޮތުގައި ޕޯސްޓް މެދުވެރިކޮށް އެގައުމުގެ ގޭގެއަށް އެކިޓް ފޮނުވޭނެ ކަމަށެވެ. އެހެންކަމުން ބަލި ޖެހިފައިވާކަން މާ ކުރިން އެނގިގެން ދިއުމަކީ ރައްކާތެރިވުމަށް ފިޔަވަޅު އެޅިގެން ދާނެ ކަމަށް ސައިންސްވެރިން ވަނީ ބުނެފައެވެ.
އިންސާނާގެ ”ކުޅު“، ”ލޭ“ އަދި ކުޑަކަމުދާ ތަކެތި ބޭނުން ކޮށްގެން ސިކުންތެއްގެ ތެރޭ ކޮވިޑް-19 ގެ އަލާމާތްތަށް ފެނުމުގެކުރިން ނަތީޖާ ލިބިގެން ދާނެ ކަމަށް ވަނީ ކޮލިން ބުނެފައެވެ.
އިނގިރޭސިވިލާތުން ކޮވިޑް-19 ޖެހުނު މީހުންގެ އަދަދު މިހާރު ވަނީ 47،806 އަށް އަރާފައި ވާއިރު، އެގައުމުން މި ބަލި ޖެހިގެން މިހާތަނަށް 4،934 މީހުން މަރުވެފައިވެއެވެ.