ކޮވިޑް19 އާ ގުޅިގެން އުމުރުން ދުވަސްވީ މީހުންނަށް ފަރުވާދިނުމަށް ޚާއްޞަކޮށްގެން އެލްޑަރލީ ކްލިނިކެއް ހަދާފައިވާކަމަށް މަބްރޫކް ވިދާޅުވެއްޖެއެވެ.
ކޮވިޑް19 އާ ގުޅޭގޮތުން މަޢުލޫމާތު ދިނުމަށް ދަރުބާރުގޭގައި މިހާރު ކުރިއަށްދާ ޕްރެސް ކޮންފަރެންސްގައި ކޮވިޑް19 ގެ ތަރުޖަމާނު މުޙައްމަދު މަބްރޫކް އަޒީޒު ވިދާޅުވީ، ޢުމުރުން ދުވަސްވީ މީހުންނަށް ފަރުވާދޭ ޚާއްޞަ ކްލިނިކް ހަދާފައިވަނީ ދަރުމަވަންތަ ހޮސްޕިޓަލުގައި ކަމަށެވެ. އަދި، ކްލިނިކަށް ދެއްކުމަށްޓަކައި އެޕޮއިންޓްމަންޓެއް ހަދަން ނުޖެހޭނެކަމަށާއި، ކްލިނިކުން ޚިދުމަތް ދޭނީ ހެނދުނު 09:00 އިން މެންދުރުފަހު 1:00 އަށް ކަމަށެވެ.
ކޮވިޑް19 އަށް ފައްސިވާ މީހުންގެ ތެރެއިން އެންމެ ހާލުބޮޑުވާ އެއް ބަޔަކީ ޢުމުރުން ދުވަސްވީ މީހުންކަމަށް ޞިއްހީ މާހިރުން ދަނީ ބުނަމުންނެވެ. އަދި، ކޮވިޑް19 އަށް ފައްސިވި މީހުންގެ ތެރެއިން މިހާތަަނަށް މަރުވެފައިވާ ގިނަ މީހުންނަކީވެސް ޢުމުރުން ދުވަސްވީ މީހުންނެވެ.