ޔޫކޭ ބޮޑު ވަޒީރު ބޮރިސް ޖޯންސަން ހާލު ބޮޑުވެ އައިސީޔޫއަށް ބަދަލު ކޮއްފިއެވެ.
މި ހަފުތާ އާދިއްތަ ދުވަހު ބޮރިސް ޖޯންސަން ވަނީ ކޮވިޑް-19 އަށް ފައްސިވިތާ 10 ދުވަސް ވީއިރުވެސް ހުން މަތަނުވެ ހުރުމާއެކު ބަލީގެ ހާލު ބޮޑުވަމުން އަނާތީ ހަސްފަތާލުގައި އެދުމަތި ކޮއްފައެވެ. ކޮވިޑަށް ފައްސިވިކަން ހާމަކުރީ މީގެ 11 ދުވަސް ކުރިން ބޮރިސް ޖޯންސަން ކުރެއްވި ޓުވީޓެއްގައެވެ. ބޮރިސް ޖޯންސަން ވިދާޅުވީ، ކޮވިޑަށް ފައްސިވިކަން ކަށަވަރުވީ ބަލީގެ އަލާމާތްތައް ފެނުމުން ހެދި ޓެސްޓުތަކުން ކަމަށެވެ.
މިއަދު މެންދުރު ފަހު ބޮޑު ވަޒީރު ބޮރިސް ޖޯންސަން އިތުރަށް ހާލު ގޯސްވަމާ ގުޅިގެން އިއިސީޔޫއަށް ވަނީ ބަދަލުކޮއްފައެވެ. އަދި ބޮޑު ވަޒީރު ވަނީ ވަގުތީ ގޮތުން ފޮރިން ސެކްރެޓަރީ ޑޮމިނިކް ރާބީ އާއި ސަރުކާރު ހިންގުމަށް ހަވާލުކޮށްފައެވެ.
ކޮވިޑަށް ފައްސިވި އިރުގަވެސް އައިސޮލޭޝަންގައި ގޭގައި ހުންނަވައިގެން ވެސް ބޮޑު ވަޒީރުގެ ހައިސިއްޔަތުން އޭނާ ދިޔައީ ފަސްނުޖެހި ގައުމު ހިންގަވަމުންނެވެ. އަދި ނަގަންޖެހޭ ޒިންމާތަކާއި އަދާކުރަން ޖެހޭ ވާޖިބުތައް ވެސް އެމަނިކުފާނު ދިޔައީ އަދާކުރައްވަމުންނެވެ.
ޔޫކޭއިން މިޔަދާ ހަމަޔަށް އައި އިރު އުމުރުން 55 އަހަރުގެ ބޮރިސް ޖޯންސަން އަކީ ފުރަތަމަ ފަހަރަށް ކޮވިޑަށް ފައްސިވި ސަރުކާރުގެ އިސް ފަރާތެވެ. ބޮޑު ވަޒީރައް ފަހު އިނގިރޭސިވިލާތުގެ އަމީރު ޗާލްސް ވަނީ ކޮވިޑަށް ފައްސިވެފައެވެ. އަދި އަމީރުގެ ހާލު ގޯސް ނުވާތީވެ ގަނޑުވަރު ތެރޭގައި ފަރުވާ ދިނުމަށް އެބޭފުޅާ ވަނީ ގަނޑުވަރުގައި އެކަހެރިކޮށްފައެވެ.
އިތުރު ތަފުސީލު އަންނަނީ…
