މުޅި ދުނިޔެއަށް ދިމާވެފައިވާ ކޮރޯނާ ވައިރަހުގެ ބަލިމަޑުކަމުން ރައްކާތެރިވުމަށްޓަކައި ރާއްޖެއަށް އެހީތެރިވެވިދާނެ ކަންކަމާމެދު ޑަބްލިއު.އެޗް.އޯއާ މަޝްވަރާ ކޮށްފިއެވެ.
ސަރުކާރުގެ ސްޕޯކްސް ޕަރސަން ހޫދު ކުރި ޓްވީޓެއްގައި ވިދާޅުވީ، ޑަބްލިއު.އެޗް.އޯގެ ޑިރެކްޓަރ ޖެނެރަލްއަށް މިއަދު ފޯނުން ގުޅުއްވަައި ރާއްޖޭހެ ޙާލަތު ރައީސް ހިއްސާކުރެއްވި ކަމަށާއި، އަދި ޑަބްލިއު.އެޗް.އޯ އިން ވެދެއްވާފައިވާ އެހީތަކަށް ޝުކުރު އަދާކުރެއްވި ކަމަށެވެ.
މީގެއިތުރުން، ކޮވިޑްްް19 އިން ރައްކާތެރިވުމުގެ ގޮތުން ރާއްޖެއިން އަޅަމުންދާ ފިޔަވަޅުތަކުގެ މަޢުލޫމާތުވެސް ރައީސް ހިއްސާކުރެއްވިކަމަށް ހޫދު ވިދާޅުވެފައިވެއެވެ.
ކޮވިޑް19 އަކީ މުޅި ދުނިޔެއަށް ކުރިމަތިވެފައިވާ ބަލިމަޑުކަމެއްކަމަށް ޑަބްލިއު.އެޗް.އޯ އިން ކަނޑައަޅާފައިވާއިރު، ރާއްޖޭގައިވެސް މިވަނީ ސިއްހީ ކުއްލި ނުރައްކަލުގެ ޙާލަތު އިޢުލާންކޮށްފައެވެ. ދުނިޔޭގެ 1.4 މިލިއަނަށް ވުރެ ގިނަ މީހުންނަށް މި ވައިރަސް ޖެހިފައިވާއިރު، އަދިވެސް ވައިރަސް ކޮންޓްރޯލް ކުރެވިދާނެކަމުގެ އުންމީދެއް ނެތެވެ.