އައްޑޫ އިކުއެޓޯރިއަލް ހޮސްޕިޓަލުން މީހެއްގެ އުނަގަނޑުގެ އޮޕަރޭޝަނެއް ކާމިޔާބުކަމާއެކު ކޮށްފިއެވެ.
އައްޑޫގައި ދާދިފަހުނަ ޚިދުމަތް ދޭން ފެށި އިކުއެޓޯރިއަލް ހޮސްޕިޓަލުން ބުނީ، މި އޮޕަރޭޝަން ކޮށްފައިވަނީ 82 އަހަރުގެ މީހެއްގެ ކަމަށާއި، އޮޮޕަރޭޝަން ލީޑްކުރީ ޑރ. މުންޝިދު ކަމަށެވެ.
އަދި، އޮރޭޝަން ކުރުމަށް ބޭނުންވި އިންސްޓްރޫމަންޓްސް ފޯރުކޮށްދީފައިވަނީ އައި.ޖީ.އެމް.އެޗުން ކަމަށްވެސް އެ ހޮސްޕިޓަލުން މަޢުލޫމާތު ދެއެވެ.
އައްޑޫ ހިތަދޫގައި މީގެކުރިން ބޭނުންކުރި ކޮންވެންޝަން ސެންޓަރު ޓާރޝަރީ ހޮސްޕިޓަލަކަށް ބަދަލުކުރި ފަހުން މީ އެ ހޮސްޕިޓަލުން ކުރި މިފަދަ އެންމެ ބޮޑު އޮޕަރޭޝަނެވެ.
އިކުއެޓޯރިއަލް ހޮސްޕިޓަލްގައި ޒަމާނީ ވަރަށްގިނަ ވަސީލަތްތަކެއް ޤާއިންކޮށްފައިވާއިރު، އެ ހޮސްޕިޓަލުގައި ސީޓީ ސްކޭން، ސްޕީޗް ތެރަޕީ ފަދަ ޚިދުމަތްތައްވެސް ދާދިފަހުން ވަނީ ފަށާފައެވެ.