ސެނަޓައިޒާ ގެ މުހިންމުކަން ކުއްލިއަކަށް މިވަނީ އެންމެން ގެ ސަމާލުކަމަށް އައިސްފައެވެ. އޭގެއިން ލިބޭ ފައިދާ އަދި ރައްކާތެރިކަން ތަކުރާރުކޮށް މީޑިޔާ ތަކުން ހަނދާންކޮށްދެއެވެ. ނަމަވެސް ސެނެޓައިޒާ ފުޅިއެއްގެ ސަބަބުން ލިބިދާނެ ގެއްލުންތައް އިނގެނީ ކިހާ ވަރަކަށް ތޯއެވެ؟
ސެނަޓައިޒާ ތައްޔާރުކުރެވިފައިވަނީ އެކިކަހަލަ ޖަރާސީމުތައް ނައްތާލުމައް ޓަކައި އެންޓިސެޕްޓް އެއް ގެ ގޮތުގައި އެލްކޮހޯލް ހިމަނައިގެނެވެ. މިސަބަބާ ހުރެ ފުޅި އަލިފާނާ ގާތްކޮށް ފިނަމަ އަލިފާން ހިފައި ބޮޑެތި ގެއްލުން ލިބުމަކީ ވަރަށް ގާތް ކަމެކެވެ. އަދި މިގޮތަށް ވަނީ ހިތާމަވެރި ހާދިސާއެތް ހިނގާފައެވެ
ފޮޓޯ: ފޭސްބުކް – ސެނަޓައިޒާގެ ސަބަބުން ހިނގައިފައިވާ އަލިފާނުގެ ހާދިސާއެއް.
އެހެންކަމުން ސެނަޓައިޒާ ބޭނުން ކުރުމަށް ފަހު ކެއްކުމުގެ ކުރިންނާއި އަލިފާނާ ކައިރުވުމުގެ ކުރިން، ރަނގަޅަށް ދެއަތްސައިބޯނި ލައިގެން ދޮންނާށެވެ. ސެނަޓައިޒާ އެއްގެ ބޭނުން ވިސްނުންތެރި ކަމާއެކު ބޭނުން ކުރާށެވެ. އެހެން ނޫންނަމަ ރައްކާތެރިކަމައް ޓަކައި ހޯދި ވަސީލަތަކުން ހީނުކުރާ ފަދަ ގެއްލުމެއް ކުރިމަތި ވެދާނެއެވެ.
