ގދ.ވާދޫ ކައިރީގައި އޮތް ތިލަ ފަރަކަށް ދޯންޏެއް އުރިއްޖެއެވެ.
އެމް.އެން.ޑީ.އެފް އިން ބުނީ، މި ދޯނި ފަރަށް އަރާފައިވަނީ ރޭ ފަތިހު ކަމަށެވެ. އަދި އެ ދޯންޏަކީ މުދާ އުފުލާ ދޯންޏެއް ކަމަށްވެސް އެމްއެންޑީއެފުން ވަނީ ބުނެފައެވެ. ދޯނި ފަރަށް އެރި އިރު ދޯނީގައި ދިވެއްސަކާއި 4 ބިދޭސީން ތިބިއިރު، އޭގެތެރެއިން އެއްވެސް މީހަކަށް ގެއްލުމެއް ނުވާކަމަށް އެމް.އެން.ޑީ.އެފް އިން ބުނެއެވެ.
މި ދޯނި ފަރަށް އަރާފައިވަނީ، މުދާ ބަރުކޮށްގެން ގދ.ފަރެސްމާތޮޑާއިން ފުރައިގެން ގއ.ނިލަންދޫއަށް ދަތުރު ކުރަމުން ދަނިކޮށެވެ. މި ދޯނި ފުންކުރުމުގެ މަސައްކަތް އެމް.އެން.ޑީ.އެފް އިން މިހާރު ދަނީ ކުރަމުންނެވެ.