ނެގޭ ހަފްތާއިން ފެށިގެން މެންބަރުން ގޭގައި ތިއްބަވައި އޮންލައިންކޮށް މަޖިލިސް ކުރިޔަށް ގެންދިޔުމަށް ނިންމައިފިއެވެ.
މުޅި ދުނިޔޭގައި ފެތުރެމުން އަންނަ ކޯވިޑް-19އިން ރައްކާތެރިވުމުގެ ގޮތުން މިދިޔަ ހަފުތާ ބުރާސްފަތި ދުވަހުން ފެށިގެން ހަފްތާއަކަށް ސަރުކާރު ބަންދު ކުރަށްވައިފައިވުމާއި އެކު މަޖިލީހުގެ ޖަލްސާތަށްވަނީ ހުއްޓުމަކަށް އައިސްފައެވެ.
އެންމެ ފަހުން ބޭއްވި ބައްދަލުވުމުގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވީ ”މިފަދަ ދަނޑިވަޅެއްގައި ރައްޔިތުންގެ މަޖިލިސް ބަންދު ކޮށްފައި ނުބޭއްވޭނެ ކަމަށެވެ. އަދި ކޮންމެހެން ބާއްވަން ޖެހޭ ޖަލްސާތައް ބާއްވާނެ ކަމަށެވެ.“
ދާދި ފަހަކުން މަޖިލީހުގެ ރައިސް މުހައްމަދު ނަޝީދު ވަނީ ރައްޔިތުންގެ މަޖިލީހުގެ މަސައްކަތްތަށް ކުރިޔަށް ގެންދާނެ ގޮތަކާ މެދު މަޝްވަރާ ބައްދަލުވުންތަކެއް މަޖިލީހުގެ ކޮމިޓީތަކުގެ މުގައްރިރުންނާއި މަޖިލީހުގައި ހިމެނޭ ސިޔާސީ ޕާޓީތަކުގެ ލީޑަރުންނާ ކުރައްވާ ގޭގައި މެންބަރުން ތިބެގެން މަސައްކަތްތައް ކުރިޔަށް ގެންދެވުމަށް ނިންމާފައެވެ