މިދުވަސްވަރު ސޯޝަލް މީޑިއާގައި މީހުންގެ ސަމާލުކަން ހޯދައިފައިވަނީ ސައްދޯކެއް ހިފައިގެން ނަށާ ބައެއްގެ ވީޑިއޯތަކެކެވެ.
މޮޅެތި ގޮތް ގޮތަށް ކަންކަން ކުރަން އުޅޭ މީހުނަށް ލަނޑު ލިބޭ ވީޑިއޯ އާއި ސަންދޯއް ހިފައިގެން ނަށާ މީހުންގެ ވީޑިއޯ އާއި ގުޅުވައިގެން މި ވީޑިއޯތައް މީސް މީޑިއާގައި ދަނީ ހިއްސާ ކުރަމުންނެވެ. މި ވީޑިއޯތައް ފޭސްބުކް ޕޭޖްތަކަށް ލުމާއެކު މިލިއަނުން މިލިއަނުން މީހުން ދަނީ ޝެއާކޮށް އެ ވީޑިއޯތައް ބަލަމުންނެވެ.
އަދި ދިވެހި ފޭސްބުކް ޕޭޖްތަކުގައި އެމީހުންގެ ފޮޓޯއެއްލާފައި ”ކޯޗެއް ތިބަލަނީ، އާދޭ ސަންދޯކަށް އެރެން“ ޖަހާފައިވަނީ ސޯޝަލް މީޑިއާއަށް އާމުކޮށްފައެވެ.
ސަންދޯއް ހިފައިގެން މަގުމަތީގައި ނަށަމުންދާ ވީޑިއޯތައް ސޯޝަލް މީޑިއާގައި ބަލަމުން ދާ މީހުންގެ މެދުގައިވަނީ އެއީ ކޮން ބައެއްކަމާ މެދު ސުވާލު އުފެދިފައެވެ.
އެހެންކަމުން ”ކުއްލި ޚަބަރު“ ހޯދި ހޯދުންތަކުން އިނގިފައިވަނީ މި މީހުންނަކީ އެފްރިކާގެ ގާނާ އަށް ނިސްބަތްވާ ބަޔެއްކަމެވެ.
ސަންދޯއް ގުރޫޕުގެ ލީޑަރު ބެންޖަމިން އައިޑޫ ބެނެފައިވާ ގޮތުގައި، ސަންދޯ ހިފައިގެން ނަށަން ފެށީ މިޤައުމުގެ ގިނަބަޔެއްގެ ތަރުހީބާއެކު މީހަކު މަރުވުމުން ހިތާމަ ކުރުމުގެ ބަދަލުގައި މަރުވި މީހާ ދުނިޔޭގައި ހުރި އިރު ކޮށްފައިވާ ރަނގަޅު ކަންތައްތައް ފާހަގަކޮށް ފަރަގު ގޮތަކަށް ވަޅުލުމަށް ކަމަށެވެ.
