އެސްޓީއޯގެ ”އީސްޓޯރ.އެމްވީ“ގެ ޚިދުމަތް އަލުންފަށްޓައިފައިވާ ކަމަށް އެސްޓީއޯއިން ހާމަކޮށްފިއެވެ.
”އިސްޓޯރު.އެމްވީ“ ގެ ހިދުމަތް މެދުކަނޑާލާފައި ވަނީ މާލެއިން ކޮވިޑް-19ގެ ކޭސްއެއް ފެނުމުން މާލެ 24 ގަޑިއިރަށް ލޮކްޑައުން ކުރުމުން ކަމަށެވެ. އަދި މިހާރު މިހިދުމަތް ދިނުމަށްޓަކައި ނަގަންޖެހޭ ހުއްދަތައް ނެގުމަށް ފަހު ހިދުމަތް ދޭން ފެއްޓިފައިވާކަމަށެވެ.
”އީސްޓޯރ.އެމްވީ“ ގެ ޚިދުމަތަކީ އެސްޓީއޯ ސުޕަރމާކެޓުން ވިއްކާ ތަކެތި ކަސްޓަމަރުންނަށް އޮންލައިންކޮށް ގަތުމުގެ ފުރުސަތު ހުޅުވާލާފައިވާ ޕްލެޓްފޯމެކެވެ
މި ވެބްސައިޓުން އެސްޓީއޯގެ ސުޕަމާރޓުން ލިބޭހުރިހާތަކެތި ލިބޭނެއެވެ. ކޮވިޑް-19 ހަލުނިކަމާއެކު ފެތުރެމުންދާ މިދަނޑިވަޅުގައި ސިއްހީ މާހިރުންނާއި ސަރުކާރުން ދަނީ ރައްޔިތުން ގޭގައި ތިބުމަށް އިލްތިމާސް ކުރަމުންނެވެ. ކަސްޓަމަރު ގަތް ތަކެތި މާލެއާއި ހުޅުމާލެ، ހުޅުލެ އަދި ވިލިމާލެއަށް 20 ރުފިޔާގެ ޗާޖަކާއި އެކު ޑެލިވަރކޮށްދެވޭނެއެވެ.
މި ވެބްސައިޓް މެދުވެރި ކޮށް ގަންނަތަކެއްޗައް ބީއެމްއެލް އިންޓަނެޓް ބޭންކިންގ މެދުވެރިކޮށް ފައިސާ ދެއްކޭނެއެވެ.