ކޮވިޑް-19 އާ ގުޅިގެން ކ.ކާށިދޫއަށް މީހުން އަރާ ފޭބުން މަނާކޮށްފައި އޮތް އޮތުން ނިމުމަކަށް ގެެނެސް ކާށިދޫ އާންމު ޙާލަތަށް ގެނެސްފިއެވެ.
ކޮވިޑް19 އާ ގުޅެގޮތުން މަޢުލޫމާތު ދިނުމަށް ނޭޝަނަލް އިމަރޖެންސީ އޮޕަރޭޝަން ސެންޓަރުުން ދަރުބާރުގޭގައި މިހާރު ކުރިއަށްދާ ނޫސްވެރިންގެ ބަދަލުގައި އެން.އީ.އޯސީގެ ތަރުޖަމާނު މުޙައްމަދު މަބްރޫކް އަޒީޒު ވިދާޅުވީ، ކ.ކާށިދޫގައި ކޮންޓެކްޓް ޓްރޭސިންގ ހެދުމަށްފަހު އައިސޮލޭޓްކުރަންޖެހޭ މީހުން އައިސޮލޭޓްކުރުމަށްފަހު ކާށިދޫ އާންމު ޙާލަތަށް މިހާރު ގެނެސްފައިވާ ކަމަށެވެ.
ކާށިދޫ މޮނިޓަރިންގެ ޙާލަތަށް ގެނެސްފައިވަނީ، މާލެއިން ފުރަތަމަ ފައްސިވި ދިވެހި މީހާއާ ކޮންޓެކްޓްވި މީހަކު އެރަށަށް ގޮސްފައިވާތީއެވެ. މާލެއިން ފުރަތަމަ ފަހަރަށް މީހަކު ފައްސިވުމަށްފަހު، މާލޭގައި ކޮންޓްރޯލެއް ނެތި ބަލި ދަނީ ފެތުރެމުންނެވެ.
ރާއްޖޭގައި މިހާތަނަށް 28 މީހަކު ކޮވިޑަށް ފައްސިވެފައިވާއިރު، 13 ދިވެއްސަކު ވަނީ ފައްސިވެފައެވެ. މިވަގުތު ފަރުވާ ދެމުންދަނީ 9 ދިވެއްސަކަށެވެ.