މާލެއިން 9 ވަނަ މީހަކު ފައްސިވެއްޖެއެވެ.
އެޗްޕީއޭ އިން ދެންމެ ކޮށްފައިވާ ޓްވީޓެއްގައި ބުނީ، 27 ވަނަ އަށް މާލެއިން ފައްސިވި މީހާ އާއި ޑައިރެކްޓް ކޮންޓެކްޓުވި ދިވެއްސެއްގެ ސާމްޕަލް ނަގައި ޓެސްޓު ކުރިއިރު މި މީހާ ވަނީ ކޮވިޑް-19 އަށް ފައްސިވެފައިވާ ކަމަށާއި މިހާރު މި މީހާ އިއިސޮލޭޝަން މަރުކަޒަށް ގެންދިއުމުގެ މަސައްކަތް ވަނީ ފަށާފައި ކަމަށެވެ.
މިއާއި އެކު މާލެއިން ކޮވިޑް-19 އަށް ފައްސިވި މީހުންގެ އަދަދު މި ވަނީ 9 އަށް އަރައިފައެވެ.
ރާއްޖޭގެ އައިސޮލޭޝަން މަރުކަޒުތަކުގައި 62 މީހަކު ވެއެވެ. ކަރަންޓީން މަރުކަޒުތަކުގައި 1053 މީހަކު ވެއެވެ. އަދި ހަސްފަތާލުގައި 1 މީހަކު ވެއެވެ.
ރާއްޖެއިން މިހާތަނަށް 29 މީހަކު ވަނީ މިބައްޔަށް ފައްސިވެ، 16 މީހަކު މި ބަލިން ރަނގަޅުވެފައެވެ. ފައްސިވި 29 މީހުންގެ ތެރޭގައި ރާއްޖެއިން ފުރިފަހުން ފައްސިވި އިޓަލީ 2 ފަތުރުވެރިން ހިމެނެއެވެ. މިހާރު ރާއްޖޭގައި ފަރުވާ ލިބެމުންދަނީ 11 މީހަކަށެވެ.
އިތުރު ތަފުސީލު އަންނަނީ….