ބަނގްލަދޭޝް ސަރުކާރުގެ މިލިޓަރީ އެއަރކްރާފްޓެއްގައި ރާއްޖެއިން ބޭރުގައި ތިބި 51 ދިވެހީން ގެނައުމަށް ނިންމާފައިވާކަމަށް މަބްރޫކް ވިދާޅުވެއްޖެއެވެ.
ކޮވިޑް19 އާ ގުޅޭގޮތުން މަޢުލޫމާތު ދިނުމަށް ނޭޝަނަލް އިމަރޖެންސީ އޮޕަރޭޝަން ސެންޓަރުން ދަރުބާރުގޭގައި މިހާރު ކުރިއަށްދާ ނޫސްވެރިންގެ ބައްދަލުވުމުގައި އެން.އީ.އޯ.ސީގެ ތަރުޖަމާނު މުޙައްމަދު މަބްރޫކް އަޒީޒު ވިދާޅުވީ، ބަނގްލަދޭޝް ސަރުކާރުގެ އެހީއާއެކު އެޤައުމުގެ މިލިޓަރީ އެއަރކްރާފްޓެއްގައި ރާއްޖެއިން ބޭރުގައި ތިބި 51 ދިވެހީން ރާއްޖެ ގެނައުމަށް ނިންމާފައިވާކަމަށާއި، އެމީހުން ރާއްޖެ އަންނާނީ މިމަހު 20 ގައިކަމަށެވެ.
މަބްރޫކް އިތުރަށް ވިދާޅުވީ، ރާއްޖެ ގެންނަ ދިވެހީންގެ ތެރޭގައި، ނޭޕާލުގައި ތިބި 18 ދިވެހީން ހިމެނޭނެކަމަށާއި، އެއީ 17 ކިޔަވާ ކުއްޖަކާއި، އިތުރު 1 މީހެއްކަމަށެވެ. ނޭޕާލުން ގެނައުމަށް ނިންމާފައިވާ މީހުންނަކީ ކަތަމަންޑޫން ފްލައިޓް ކެންސަލްވުމުން މަޑުކުރަންޖެހިފައިވާ ދިވެހީންކަމަށެވެ.