އަގު ހެޔޮކޮށްފައިވާ ތަކެތި އަގުބޮޑުކޮށް ވިއްކާ ފަރާތްތަކުގެ މަޢުލޫމާތު ރިޕޯޓް ކުރުމަށް އިކޮނޮމިކް މިނިސްޓްރީން އެދިއްޖެއެވެ.
ކޮވިޑް-19 އާއި ގުޅިގެން ދުނިޔޭގެ އިގްތިސާދީ ހާލަތު މި ވަނީ ވަރަށް ބޮޑައަށް ބަދަލުވެފައެވެ. މީގެ އަސަރު ވަނީ ރާއްޖެއަށް ވެސް ވަރަށް ބޮޑަށް ކޮށްފައެވެ.
އެހެންކަމުން ފިޔައި، އަލުވި، ބިސް އަދި ރީނދޫ މުގުގެ އަގު ވަނީ ހެޔޮ ކޮށްފައެވެ. އަދި މިތަކެތި އަގުބޮޑުކޮށް ގަވައިދާ ހިލާފަށް ވިއަކާނަމަ 100,000 ރުފިޔާއިން ޖޫރިމަނާ ކުރާނެ ކަމަށް އިކޮނޮމިކް މިނިސްޓްރީން ވަނީ ވިދާޅުވެފައެވެ.
އިކޮނޮމިކް މިނިސްޓްރީން މިއަދު ވިދާޅުވެފައިވަނީ، ފިޔައި، އަލުވި، ބިސް އަދި ރީނދޫ މުގު އަގު ބޮޑުކޮށް ވިއްކާ ފަރާތްތަކާމެދު ފިޔަވަޅު އެޅުމަށްޓަކައި ޝަކުވާ consumer@trade.gov.mv އަށް ފޮނުވުމަށް އެދިފައެވެ.
އިކޮނޮމިކް މިނިސްޓްރީން ވިދާޅުވެފައިވަނީ، އަގު ހެޔޮކޮށްފައިވާ ތަކެތި އަގުބޮޑުކޮށް ވިއްކާކަމަށް ފާހަގަ ކުރެވިއްޖެ ނަމަ ފުރަތަމަ ފަހަރު، 100،000 ރުފިޔާއިން ޖޫރިމަނާ ކުރެވޭނެ ކަމަށާއި، ކުށް ދެވަނަ ފަހަރަށް ތަކުރާރުވެއްޖެ ނަމަ އެއްލައްކަ ރުފިޔާއިން ޖޫރިމަނާކޮށް، ވިޔަފާރި ކުރަމުންދާ ތަން 6 މަސް ދުވަހަށްވުރެ ދިގުނޫން މުއްދަތަކަށް ބަންދުކުރުމަށް އެންގޭނެކަމަށެވެ.
އަދި އެ މިނިސްޓްރީން ވަނީ ތަކުރާރުކޮށ،ް އަގު ހެޔޮކޮށްފައިވާ ތަކެތި އަގުބޮޑުކޮށް ވައްކާ ފަރާތްތަކާމެދު ފިޔަވަޅު އަޅާނެ ކަމަށް ދަންނަވާފައެވެ.
