ރާއްޖޭގައި އިތުރު 36 މީހަކު ކޮވިޑް-19 އަށް ފައްސިވެއްޖެއެވެ.
އެޗްޕީއޭ އިން ދާދި ދެންމެ ކުރި ޓްވީޓެއްގައި ބުނެފައިވަނީ، ކޮވިޑް-19 އަށް މާލެއިން އިތުރު 36 މީހަކު ފައްސިވެފައިވާ ކަމަށާއި މި 36 މީހުންގެ ތެރޭގައި ބަނގްލަދޭޝް އަށް ނިސްބަތްވާ 29 މީހަކާއި، ރާއްޖެއަށް ނިސްބަތްވާ 6 މީހަކާއި، އިންޑިއާގެ މީހެއް ހިމޭނޭ ކަމަށެވެ.
އެޗްޕީއޭ އިން އިތުރަށް މި ޓްވީޓްގައި ބުނީ، ފައްސިވި މީހުންގެ ތެރޭގައި 3 ގެއަކުން ބައްޔަށް ޕޮޒިޓިވްވި 30 މީހަކު ހިމެނޭ ކަމަށާއި މިހާރު މި 36 މީހުން އައިސޮލޭޝަން ފެސިލިޓީއަކަށް ގެންދިއުމުގެ މަސައްކަތް ދަނީ ކުރެވެމުން ކަމަށެވެ.
މިއާއި އެކު ރާއްޖެއިން މިހާތަނަށް މިބައްޔަށް ފައްސިވި މީހުންގެ ޖުމުލަ އަދަދު މިވަނީ 177 އަށް އަރައިފައެވެ. އަދި ރާއްޖެއިން މި ވަނީ 16 މީހަކު މި ބަލިން ރަނގަޅުވެފައެވެ.
މިއީ، ރާއްޖެއިން ކޮވިޑް-19 ފެނުނު ފަހުން މިހާތަނަށް މި ބައްޔަށް އެއްފަހަރާ އެންމެ ގިނި މީހުން ފައްސިވެގެން އެޗްޕީއޭއިން އިޢުލާނު ކުރި ފުރަތަމަ ފަހަރެވެ.
އިތުރު ތަފުސީލު އަންނަނީ…