ކުރެއްދޫގެ 173 މުވައްޒަފެއްގެ ސާމްޕަލް ނައްސިވެފައިވާކަމަށް މަބްރޫކް ވިދާޅުވެއްޖެއެވެ.
ކޮވިޑް-19 އާ ގުޅޭގޮތުން މަޢުލޫމާތު ދިނުމަށް ނޭޝަނަލް އިމަރޖެންސީ އޮޕަރޭޝަން ސެންޓަރުން ދަރުބާރުގައި މިހާރު ކުރިއަށްދާ ނޫސްވެރިންގެ ބައްދަލުވުމުގައި އެން.އީ.އޯސީ ގެ ތަރުޖަމާނު މުޙައްމަދު މަބްރޫކް އަޒީޒު ވިދާޅުވީ، ކުރެއްދޫން ނަގާފައިވާ ސާމްޕަލްތަކުގެ ތެރެއިން 173 މުވައްޒަފެއްގެ ސާމްޕަލް ޓެސްޓް ކުރެވިފައިވާކަމަށާއި، އެ ހުރިހާ މުވައްޒަފުންގެ ސާމްޕަލްވެސް ނައްސިވެފައިވާކަމަށާއި، ކުރެއްދޫއިން ނަގާފައިވާ އިތުރު ސާމްޕަލްތަކެއް އަދިވެސް ހުރިކަމަށެވެ.
ކުރެއްދޫގައި ތިބި ހުރިހާ މުވައްޒަފުންގެ ސާމްޕަލް ނަގާފައިވާއިރު، އެ ސާމްޕަލްތައް ޓެސްޓް ނުކުރެވި ވަރަށްގިނަ ދުވަސްވަނީ ވެފައެވެ. ކުރެއްދޫއަކީ، ރާއްޖެއިން ފުރަތަމަ ކޮވިޑްގެ ކޭސްއެއް ފެނުނު ރިސޯޓެވެ.