ރާއްޖެއިން އިތުރު 95 މީހަކު ފައްސިވެ، ފައްސިވި މީހުންގެ އަދަދު 396 އަރައިފިއެވެ.
އެޗްޕީއޭ އިން ދާދި ދެންމެ ކުރި ޓްވީޓެއްގައި ބުނެފައިވަނީ، ކޮވިޑް-19 އަށް ރާއްޖެއިން އިތުރު 95 މީހަކު ފައްސިވެފައިވާ ކަމަށާއި މި 95 މީހުންގެ ތެރޭގައި ބަންގްލަދޭޝް އަށް ނިސްބަތްވާ 61 މީހަކާއި، އިންޑިއާ އަށް ނިސްބަތްވާ 32 މީހަކާއި، ދެ ނޭޕާލް ބިދޭސީއަކު ހިމޭނޭ ކަމަށެވެ.
އެޗްޕީއޭ އިން އިތުރަށް މި ޓްވީޓްގައި ބުނެފައިވަނީ، މި 95 މީހުނަކީ ފުލުހުންގެ ބެލުމުގެ ދަށުގައިވާ އައިސޮލޭޝަން ކޮށްފައިވާ ގެއަކުން ނަގައިފައިވާ ސާމްޕަލްތަކެއް ކަމަށެވެ.
މިއީ ރާއްޖެއިން ފުރަތަމަ ފަހަރަށް އެއްދުވަހަކާ 100 އަށް ވުރެ ގިނަ މީހުން ކޮވިޑް-19 އަށް ފައްސިވި ފަހަރެވެ.
މިއާއި އެކު ރާއްޖެއިން މިހާތަނަށް މިބައްޔަށް ފައްސިވި މީހުންގެ ޖުމުލަ އަދަދު މިވަނީ 396 އަށް އަރައިފައެވެ. އަދި ރާއްޖެއިން މި ވަނީ 17 މީހަކު މި ބަލިން ރަނގަޅުވެފައެވެ.
އިތުރު ތަފުސީލު އަންނަނީ