ހެލްތު ޕްރޮޓެކްޝަން އެޖެންސީ (އެޗް.ޕީ.އޭ) ގެ ވެބްސައިޓް ހެކްކޮށް ދިވެހިސަރުކާރަށް އިންޒާރު ދީފިއެވެ.
ވެބްސައިޓް ހެކްކުރުމަށްފަހު އިންޒާރުގެ ވީޑިއޯއެއް އާންމުކޮށްފައިވެއެވެ. މި ވީޑިއޯގައި، ކޮވިޑް19 ގެ ބަލިމަޑުކަމުގެ ތެރޭގައި ސަރުކާރުން ސިޔާސީ ގޭމް ކުޅެމުންދާ ކަމަށާއި، ސަރުކާރުން ދައްކާ ވާހަކަތައް އަޑުއަހަން އިތުރަށް މަޑުން ނުތިބޭނެކަމަށް ވެސް ބުނެފައިވެއެވެ.
މި ވީޑިއޯގައި އިތުރަށް ބުނެފައިވާ ގޮތުގައި، މި ސަރުކާރުގެ މައްޗަށް އިންޑިއާ އިން ވެރިވެގެންފިކަމަށާއި، ސަރުކާރުގެ އިސްމަޤާމުތަކުގައި ތިބި ފަރާތްތަކަށް އިންޑިއާއިން ފައިސާދީ ގަނެފައިވާކަމަށާއި، ރާއްޖޭގެ ރައްޔިތުންގެ ތެރެއިން 99 އިންސައްތަ މީހުންނަށް އާމްދަނީ ލިބުމުގެ މަގު ބަންދުވެފައިވާ ކަމަށާއި، ކެއިންބުއިން ނުލިބި 2000 ށްވުރެ ގިނަ މީހުން މަގުމަތިވަމުންދާކަމަށް ވެސް ބުނެފައިވެއެވެ.
އެޗް.ޕީ.އޭގެ ވެބްސައިޓަކީ، ކޮވިޑް19 ގެ ގިނަ މަޢުލޫމާތުތަކެއް ހިމެނޭ އަދި މިދުވަސްވަރު ގިނަ ބަޔަކު ވަންނަމުންދާ ވެބްސައިޓެކެވެ.