ކޮވިޑް-19 އާ ގުޅޭގޮތުން ޑަބްލިއު.އެޗް.އޯ އިން ބޭއްވި މަޢުލޫމާތު ދިނުމުގެ ބައްދަލުވުމެއްގައި ރާއްޖެއިން ބައިވެރިވެއްޖެއެވެ. މި ބައްދަލުވުމަކީ، ދުނިޔޭ އެކި ޤައުމުތަކުގެ ހެލްތު މިނިސްޓަރުންނަށް އަމާޒުކޮށްގެން ބޭއްވި ބައްދަލުވުމެކެވެ.
މި ބައްދަލުވުމުގައި، ކޮވިޑް19 އާ ގުޅިގެން ޗައިނާ، ޖަޕާން، ދެކުނު ކޮރެއާ ފަދަ ޤައުމުތަކަށް ކުރެވުނު ތަޖުރިބާއާއި ކޮވިޑް-19 އާ ދެކޮޅަށް ކުރާ މަސައްކަތުގައި ފާހަގަކުރެވުނު މުހިންމުކަންކަން ހިއްސާކުރިއެވެ. އަދި، އެހެން ޤައުމުތަކުން، އެ ޤައުމުތަކުގެ ކަންބޮޑުވުންތައް ހިއްސާކޮށް، އެޤައުމުތަކަށް ސުވާލު ކުރުމުގެ ފުރުޞަތު ދީފައިވެއެވެ.
މީގެއިތުރުން، ކޮވިޑް19 އާ ގުޅިގެން ޤައުމުތަކަށް ކުރިމަތިވެފައިވާ ސީރިއަސް މައްސލަތަކާއި، ރައްޔިތުންގެ ރައްކާތެރިކަމަށް އެޅިދާނެ ފިޔަވަޅުތަކާމެދު ހެލްތު މިނިސްޓަރުންގެ މެދުގައި މަޝްވަރާ ކުރެވުނުވެ.