މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 ނުވަތަ ކޮރޯނާ ވައިރަސްގެ ސަބަބުން އަވަށްޓެރި އިންޑިއާ ލޮކްޑައުން ކުރުމުގެ ސަބަބުން، ފިޔާ، އަލުވި އަދި ބިސް ގަންނަންލިބުމަށް ދަތިވުމުން މިތަކެތީގެ އަގު މިއަދު ބާޒާރުގައި އުފުލެންފަށައިފިއެވެ.
މިމަހުގެ 27 ގެ ފަހުން ރާއްޖެގެ ބޯޑަރު ބަންދުކޮށް، ޝެޑިއުލް ފުލައިޓްތަކާއި އަދި އޮންއެރައިވަލް ވިސާ ދިނުންވެސްވަނީ ހުއްޓާލެވިފައެވެ. މީގެ ސަބަބުން ރާއްޖެއަށް ވަނީ ވަރަށް ބޮޑަށް ކާބޯތަކެތި ލިބުމަށް ދަތިތަކަކާކުރިމަތިވެ ބައެއް ކާބޯތަކެތީގެ އަގު ވަނީ އުފުލިފައެވެ.
މިހާރު ބާޒާރުގައި އެންމެ ބޮޑަށް އަގު އުފުލިފައިވާ ބާވަތްތަކުގެ ތެރޭގައި ފިޔާ، އަލުވި އަދި ބިސްވެސް ފާހަގަކޮއްލެވެއެވެ. ފިޔާގެ އަގަށް ބަލާލާއިރު މިހާރު ފިޔާ ބަސްތާއެއް ލިބެންހުރީ ކުރިން ލިބެންހުރި އަގަށްވުރެ 300ރ އާއި 350ރ ބޮޑުކޮށެވެ. އަދިހަމައެހެންމެ އަލުވި ބަސްތާއެއް ލިބެންހުރީ ކުރިން ލިބެންހުރި އަގަށްވުރެ 70ރ އާއި 140ރ ބޮޑުކޮށެވެ. އަދިހަމައެފަދައިން ބިސް ކޭހެއް ލިބެންހުރީ ކުރިން ލިބެންހުރި އަގަށްވުރެ 100ރ އާއި 250ރ ބޮޑުކޮށެވެ.
ނަމަވެސް އިންޑިއާއިން ވަނީ ހުސްނުވެ ކާޑުގެ ބާވަތްތައް ލިބޭނެކަމުގެ ޔަގީކަން އަރުވާފައެވެ. އަދިހަމައެފަދައިން ”އެސްޓީއޯ“ އިންވެސް ވަނީ ދިވެހިރައްޔިތުންނަށް މިހާލަތުގައި ކާޑުލިބުމުގެ ފުރިހަމަ ޔަގީންކަން ދެއްވާފައެވެ.