ކޮވިޑް19 އާ ގުޅިގެން މާލޭގައި 13 ދިވެއްސެއް އައިސޮލޭޓްކޮށްފައިވާކަމަށް އިޢުލާންކޮށްފިއެވެ.
އެޗް.ޕީ.އޭ އިން މިރޭގައި ކުރިއަށްގެންދިޔަ ނޫސް ކޮންފަރެންސްގައި މަބްރޫކް ޢަބްދުލް ޢަޒީޒު ވިދާޅުވީ، މާލޭގައި 13 ދިވެއްސެއް އަދި 2 ބިދޭސީއެއް އައިސޮލޭޝަންގައި ތިބޭނެކަމަށާއި، މާލޭގައި ހޯމް ކަރަންޓީނު ކުރެވިފައި 43 ދިވެއްސަކާއި 1 ބިދޭސީއެއް ތިބިކަމަށެވެ.
މީގެއިތުރުން، ވެލިދޫގައި 20 ފަރާތެއް އައިސޮލޭޓްކުރެވިފައި ވެއެވެ. އަދި ދަރުމަވަންތަ ހޮސްޕިޓަލުގައި 3 ފަރާތެއް އައިސޮލޭޓްކޮށްފައިވެއެވެ. ދަރުމަވަންތަ ހޮސްޕިޓަލުގައި އައިސޮލޭޓްކޮށްފައިވާ 3 ފަރާތުގެ ތެރެއިން އެއް ފަރާތަކީ ކޮވިޑަށް ފައްސިވެފައިވާ ފަރާތެކެވެ. އަދި، ކަރަންޓީނުގައި މިހާތަނަށް ޖުމްލަ 826 ފަރާތެއް އެބަތިއްބެވެ.
ރާއްޖޭގައި މިހާތަނަށް 890 ސާމްޕަލްއެއް ނަގާފައިވާއިރު، 874 ސާމްޕަލްއެއް ވަނީ ނައްސިވެފައެވެ. ފައްސިވެފައިވަނީ 16 ސާމްޕަލްއެކެވެ.