ކޮވިޑް19 އަށް ޝައްކުކުރެވޭ އަލާމާތްތަކެއް ފެނިގެން ހުރަވަޅި އައިލެންޑް ރިސޯޓު މޮނިޓަރިންގެ ޙާލަތަށް ގެނެސްފިއެވެ.
މި ރިސޯޓު މޮނިޓަރިންގ ގެ ޙާލަތަށް ގެނެސްފައި މިވަނީ، ރިސޯޓުގެ 2 މީހެއްގެ ފަރާތުން ކޮވިޑް19 އަށް ޝައްކުކުރެވޭ އަލާމާތްތަކެއް ފެނިގެން ސާމްޕަލް ނެގުމަށެވެ.
ރާއްޖޭގެ މިވަގުތުގެ ޙާލަތަށް ބަލާއިރު، މިހާތަނަށް 908 ސާމްޕަލް ނެގިފައިވާއިރު ފައްސިވެފައިވަނީ 17 ސާމްޕަލްއެވެ. އަދި ނައްސިވެފައިވަނީ 892 ސާމްޕަލްއެކެވެ. ފައްސިވެފައިވާ 17 މީހުންގެ ތެރެއިން މިހާތަނަށް 11 މީހަކު ވަނީ ރަނގަޅުވެފައެވެ. ފައްސިވެފައިވާ މީހުންގެ ތެރެއިން މިވަގުތު ފަރުވާދެމުންދަނީ 4 މީހެކެވެ. ފައްސިވި 17 މީހުންގެ ތެރެއިން ރާއްޖެއިން އިޓަލީއަށް ފުރުވާލި ދެމީހުން ހިމެނެއެވެ.