ކޮވިޑް19 އާ ގުޅިގެން ދިރާގުގެ ފަރާތުން ސްކޫލްތަކުގެ ޓީޗަރުންނަށާއި ދަރިވަރުންނަށް ހިލޭ ޑޭޓާ ލިބޭ ޕެކޭޖެއް ތަޢާރަފް ކޮށްފިއެވެ.
ދިރާގާއި މިނިސްޓްރީ އޮފް އެޑިޔުކޭޝަން ގުޅިގެން ތަޢާރަފްކުރި މި ޕެކޭޖަކީ، 30 ދުވަހުގެ މުއްދަތަށް ބޭނުންކުރެވޭގޮތަށް 5 ޖީބީ ލިބޭ ޕެކޭޖެކެވެ. މި ޕެކޭޖުގެ ދަށުން ޚިދުމަތް ލިބިގެންދާނީ، މިނިސްޓްރީގެ ފަރާތުން ކަނޑައަޅާ ޓީޗަރުންނަށާއި ދަރިވަރުންނަށެވެ.
ދިރާގުގެ ފަރާތުން މިފަފަ ޕެކޭޖެއް ތަޢާރަފްކުރުމުގެ މައިގަނޑު މަޤުޞަދަކީ، ކޮވިޑް19 އާ ގުޅިގެން ސްކޫލްތައް ބަންދުކޮށް ކިޔެވުން މެދުކެނޑިފައިވާ މިފަދަ ދުވަސްވަރެއްގައި އިންޓަރނެޓް ބޭނުންކޮށްގެން ކިޔެވުމަށް ފުރުޞަތު ފަހިކޮށްދިނުމެވެ.
ކޮވިޑް19 އާ ގުޅިގެން ދިރާގުގެ އެހެން ކަސްޓަމަރުންނަށްވެސް ވަނީ ލުއިތަކެއް ދީފައެވެ.