އަޅުގަނޑުމެންގެ އަވައްޓެރި ސްރީލަންކާ ވެސް ވަނީ ކޯވިޑް- 19ގެ ޝިކާރައަައް ވެފައެވެ. އަދި މިކަމާއި ގުޅިގެން އެ ޤައުމުގައި ވަނީ ކާފިއު އިއުލާން ކޮއްފައެވެ. މިކަމުގެ އުނދަގޫ އެ ގައުމުގައި ދިރިއުޅޭ އަޅުގަނޑުމެންގެ ލޮބުވެތި ދިވެހިން ވަނީ ތަހަންމަލް ކުރަންޖެހިފައެވެ.
މީގެތެރެއިންވެސް އެންމެ ބޮޑަށް އުނދަގޫވެފައިވަނީ ހާއްސަ އެހީއައް ބޭސްފަރުވާ ކުރުމަށް ގޮސްއުޅޭ ކުޑަކުދިންނާއި އެކުދިންގެ ބެލެނިވެރިންނަށެވެ.
ލަންކާގައި ދިރިއުޅެމުންދާ ދިވެހިންގެ ތެރެއިންގިނަ އަދަދެއްގެ އަންހެނުން ހިމެނޭ ވައިބަރ ގުރޫޕެއްގައި މީހަކު ބުނެފައިވަނީ ބޮޑެތިމީހުންނަށް ބޭނުންވާ އެއްޗިސް ލިބުނުނަވެސް ކުޑަކުދިންނަށް ކާންދޭނެ ސާމާނު އޯޑަރ ކޮއްގެންވެސް ނުލިބޭކަމެވެ. އަދި ޑެލިވަރީ ކޮއްދޭ ގިނަ ވެބްސައިޓުތަކަށް ގުޅުމުންވެސް ފޯނަށް ޖަވާބު ނުދޭކަމެވެ. އެހެންކަމުން ބަލި ކުދިން ގޮވައިގެން ގޮސްއުޅޭ ގިނަ ބެލެނިވެރިން ރާއްޖެ އެނބުރި އަންނަން ބޭނުންވާކަމެވެ.
މިކަމާއި ގުޅޭގޮތުން ފޮރިން މިނިސްޓްރީނަ ވިދާޅުވެފައި ވަނީ ލަންކާގެ ހާލަތައް ބަދަލެއް ނާންނަނަމަ ކަންތައް ކުރާނެގޮތަކާ ގުޅޭގޮތުން ދިވެހި ސަރުކާރާއި ލަންކާ ސަރުކާރުން މަޝްވަރާ ކުރަމުންދާ ކަމަށެވެ. އަދި މަބްރޫކް ވިދާޅުވެފައިވަނީ ސަރުކާރުން އެއްވެސް ދިވެއްސަކަށް އިހުމާލުނުވެ އެންމެންނާއި ދޭތެރޭ އެއްގޮތަކަށް ކަންތައްތައް ކުރާނެކަމުގެ ޔަގީންކަން ދޭ ކަމަށެވެ.
