ބެންކް އޮފް މޯލްޑިވްސް މެދުވެރިކޮށް ނަގައިފަވާ ނެޝަނަލް ސްޓޫޑެންޓް ލޯނާއި އެޑިޔުކޭޝަނަލް އެސިސްޓަންސް ލޯނުތަށް ދެއްކުން، ކޮވިޑް-19 އާއި ގުޅިގެން ހަ މަހަށް ފަސްކޮއްދީފިއެވެ.
މިރޭ ނެރުނު ނޫސް ބަޔާނުގައި ބީއެމްއެލް އިން ބުނީ، ނެޝަނަލް ސްޓޫޑެންޓް ލޯނާއި އެޑިޔުކޭޝަނަލް އެސިސްޓަންސް ލޯނުތަކަށް ދައްކަން ޖެހޭ ފައިސާ މާރިޗު 2020 އިން ފެށިގެން ހަ މަސް ދުވަހަށް ލަސްކޮއްދީ ފައިވާ ކަމަށެވެ. ލޯނު ދެއްކުމަށް ކަނޑައެޅިފައިވާ ތާރީހަށް ވެސް ހަ މަސް ދުވަސް އިތުރު ކޮއްދީފައިވާ އިރު ލޯނަށް މަހުންމަހަށް ދައްކަމުންދާ ފައިސާ ގިނަ ނުވާނެ ކަމަށްވެސް ކަމަށް އެ ބަޔާނުގައި ބީއެމްއެލް އިން ވަނީ ބުނެފައެވެ.
އަދި މީގެ އިތުރުން އެ ބޭންކުން ބުނީ ދަރިވަރުން ލޯނު ލަސްކުރުމަށް އެދެން ނުޖެހޭނެ ކަމަށާއި ލަސް ކުރުމުގެ ހުރިހާ މަސައްކަތެއް ކުރަމުން ދާނީ ބޭންކުގެ ފަރާތުން ކަމަށެވެ.