އިތުރު ދިވެއްސެއް ކޮވިޑް19 އަށް ފައްސި ވެއްޖެއެވެ.
އެޗް.ޕީ.އޭ އިން ދެންމެ ކުރި ޓްވީޓެއްގައިވާ ގޮތުން، ފައްސިވި ދިވެހި މީހާއަކީ، ޔޫކޭ އިން ރާއްޖެއައި ދިވެއްސެއް ކަމަށާއި، އޭނާ ކަރަންޓީނު ކުރެވިފައިވަނީ ރޯޔަލް އައިލެންޑް ރިސޯޓުގައި ކަމަށެވެ. އޭނާގެ ފަރާތުން ކޮވިޑް19 ގެ އަލާމާތްތަކެއް ފެނިގެން ސާމްޕަލް ނަގައި ހެދި ޓެސްޓްތަކުން ކޮވިޑް19 އަށް ފައްސިވެފައިވާ ކަމަށެވެ.
ރޯޔަލް އައިލެންޑް ރިސޯޓުގައި ކަރަންޓީނު ކޮށްފައިވާ ދިވެއްސެއްގެ ފަރާތުން #ކޯވިޑް19 ގެ އަލާމާތްތައް ފެނި، ސާމްޕަލް ނަގައި ހެދި ޓެސްޓުގެ ނަތީޖާ ޕޮޒިޓިވް ވެއްޖެ. އެއީ، އިނގިރޭސި ވިލާތުން އެނބުރި އައި މީހެއް.
— Health Protection Agency (@HPA_MV) March 31, 2020
މިއަދު ފައްސިވި މީހާއާއެކު ރާއްޖޭގައި ކޮވިޑަށް ފައްސިވި މީހުންގެ ޖުމްލަ 18 އަށް އެރީއެވެ. އޭގެތެރެއިން 13 މީހަކު ރަނގަޅުވެފައިވާއިރު، މިހާރު ރާއްޖޭގައި ފައްސިވެފައިވާ އެކްޓިވް ކޭސްތަކުގެ އަދަދަކީ 5 އެވެ. އޭގެ ތޭރޭގައި ފައްސިވިފަހުން އިޓަލީއަށް ފުރި ދެމީހުން ހިމެނެއެވެ. ރާއްޖޭގައި ތިބީ މިވަގުތު 3 މީހުންނެވެ. 3 މީހުންނަކީވެސް ދިވެހިންނެވެ.