އުރީދޫއިން ސުޕަރނެޓް ކަސްޓަމަރުން ނަންގަވައިފައިވާ ޕްލޭންއަށް ހަމަޖެހިފައިވާ ޑޭޓާ ލިމިޓް ހަމަވުމުން، ދުވާލަކު 5 ޖީބީ ޑޭޓާ ހިލޭ ދޭން ނިންމާފިއެވެ.
އުރީދޫއިން މިޔަދު ނެރިފައިވާ އިއުލާނުގައި ބުނެފައި ވަނީ، ކޮވިޑް-19 ގެ ސަބަބުން ރަތްޔިތުންނަށް ދިމާވެފައިވާ ދަތިތަކަށް ލުޔެއް ހޯދާ ދިނުމަށް ސަރުކާރާ ގުޅިގެން އުރީދޫއިން ދަނީ އެތަށް މަސައްކަތްތަކެއް ކުރަމުން ކަމަށެވެ. އެގޮތުން އާންމުކޮށް ޑޭޓާ ބޭނުންކުރާ ވަރަށް ވުރެ އިތުރަށް ޑޭޓާ ބޭނުންކުރަންޖެހިފައި ވުމާއެކު، މި ހުށަހެޅުން ތަޢާރަފް ކުރެވިފައިވަނީ ރައީސްގެ އެދިލެއްވުމަކަށް ކަންވެސް ވަނީ ހާމަ ކޮއްފައެވެ
އޭޕްރިލް މަހުން ފެށިގެން ސުޕަރނެޓް ކަސްޓަމަރުން ނަންގަވައިފައިވާ ޕްލޭންއަށް ހަމަޖެހިފައިވާ އެލަވަންސް ހުސްވުމާ އެކު، 5 ގީބީގެ ޑާޓާ ކޮންމެ 24 ގަޑިއިރަކުން ކުޑަ އިރުކޮޅެއް ތެރޭގައި އެކްޓިވޭޓް ވާނެއެވެ.
މީގެ އިތުރުން ކޮވިޑް-19 ގެ ސަބަބުން ސުޕަރނެޓް ކަސްޓަމަރުންނަށް 25% ހިލޭ ޑޭޓާ އެލަވަންސް އެވެސް ލިބެއެވެ.