މުޅި ދުނިޔޭގައި ކޮވިޑް-19 އަށް 900،000 އެއްހާ މީހުން ފައްސިވެފައިވާ ވާކަމަށް ވޯލްޑް ހެލްތު އޯގަނައިޒޭށަންގެ ތަފާތު ހިސާބު ތަކުން ދައްކައިފިއެވެ
މިރޭ ނުވައެއްޖެހުމާއި ހަމައަށް ލިބިފައިވާ މައުލޫމާތުތަށް ދައްކާ ގޮތުން ކޮވިޑް-19 ޖެހިފައިވަނީ 893،995 މީހުންނަށެވެ. މި ބަލިމަޑު ކަމުގެ ސަބަބުން 45،050 މީހުން ވަނީ މަރުވެފައެވެ. އަދި މި ބަލި ޖެހި ރަގަޅު ވެފައިވަނީ 189،470 މީހުންނެވެ. މި ވަގުތު އެކްޓިވް ކޭސްގެ އަދަދަކީ 659.475 މީހުންކަމުގައި ވޯލްޑް ހެލްތު އޯގަނައިޒޭށަންގެ ތަފާތު ހިސާބު ތަކުން ދައްކައެވެ.
މި ވަގުތު އެންމެ ބޮޑަށް ކޮރޯނާ ވައިރަސް ފެތުރެމުންދާ ގައުމުތަކުގެ ތެރެއިން އިޓަލީވިލާތުގައި ކޮރޯނާ ވައިރަސް ޖެހިފައިވާ މީހުންގެ ޖުމްލަ އަދަދަކީ 110،574 މީހުންނެވެ. އިޓަލީ ވިލާތުން އެކަނިވެސް 13،155 މީހުން ވަނީ މަރުވެފައެވެ. އަދި ސްޕެއިން އިން ފައްސި ވެފައިވާ މީހުންގެ އަދަދު 100،000 އަށް ވުރެ މައްޗަށް އަރާފައިވާއިރު 10،000 އާއި ގާތްކުރާ އަދަދަކަށް މީހުން ވަނީ މަރުވެފައެވެ. އަދި އެމެރިކާއިން ވަނީ 205،036 މީހުން ކޮވިޑް-19 ގެ ޝިކާރަޔަކަށް ވަނީ ވެފައެވެ . އެމެރިކާ އިން މަރުވެފައި ވަނީ 4516 މީހުންނެވެ.
ކޮވިޑް-19 ފެތުރެން ފެށި ޗައިނާގައި މިބަލި ކޮންޓްރޯލް ވެފައިވާއިރު މި ބައްޔަށް ފައްސިވި މީހުންގެ އަދަދު އިޓަލީ ވިލާތް، ސްޕޭން އަދި އެމެރިކާގައި ޗައިނާ އަށް ވުރެ ގިނަކަން ފާހަގަ ކޮށްލަން ޖެހެވެ.